For more stories CLICK HERE
BAKIT AKO SINGLE?
by TeacherNaSingleKasiHindiTaken
"Kasi mahal ko e. Kaya ako sumugal! Nabuhay ako sa "what if".
Ayokong magsisi sa huli na hindi ko man lang sinubukan. Gusto kong
malaman kung ano yung magiging ending nito kahit alam kong sa una pa
lang, wala nang kasiguraduhan to!"
Way back 2013, nagkakilala
kami, babaero daw siya sabi ng mga nakakakilala sakanya. Napatunayan ko
yun dahil habang nililigawan niya pa lang ako, ang dami ko nang
nakikitang mga kalandian niya sa text at sa personal. Pero nagbago naman
siya nung naging kami na.
Bago pa maging kami, hindi nagkulang
magpaalala sakin yung mga taong nasa paligid namin. Hindi sila nagkulang
na kumbinsihin ako na wag nang ituloy to. Ako lang ang nagpumilit.
Bakit? Kasi mahal ko e. Kaya walang ibang dapat sisihin kundi ako, dahil
tinuloy ko pa rin. What if, magwork dba? What if, hindi mangyari yung
mga sinasabi nila? What if, may happy ending naman pala? What if....
Siya yung naging boyfriend ko na naging seryoso at minahal ko talaga!
Noong una, ayaw kong ipakilala siya sa family ko, dahil sa religion niya
at ayaw ko din yung idea na pano kung maghiwalay kami tapos kilala na
siya ng family ko, ang pangit ng setup kapag ganun dba! Pero sa huli,
pinakilala ko din, dahil yun ang gusto niya kahit medyo alangan ako.
Mabait siya sobra. Mas matanda ako sa kanya pero mas matured siya
mag-isip. Maalaga. Mapagpasensya. Maalalahanin. Responsable. Marunong
makisama. Kaya nagustuhan din siya ng family ko. Actually, siya yung
unang bf ko na pinakilala ko sa family ko.
Naging masaya yung 1st year ng relationship namin. At pag sinabi kong masaya, masaya talaga. Kasi walang naganap na lokohan e. 😂 Kahit na napaka'nagger ko pa nung mga panahong yun, pinagpasensyahan niya lang yung kasungitan at mga sumpong ko. 😊
Pero nag'iba ang lahat nung 2-3 taon na kami. Puro na lokohan. Puro na
away. Puro na break. Siguro di na mabibilang sa mga daliri sa kamay at
paa yung mga oras na sinabi naming "maghiwalay na tayo". Pero sabi nga
dba, mag-aaway lang pero hindi maghihiwalay. Haha. Kaya yung isang taon,
naging dalawa, tatlo, apat, lima....
Umabot kami ng limang
taon. Sa 4-5 years namin, naging matured na kami. Pero hindi na gaya ng
dati. Wala ng masyadong kilig. Di na exciting. Araw-araw ba naman kaming
nagkikita eh. Haha. Pero mahal namin ang isa't isa kaya nag'stay pa rin
kmi at syempre wala nang lokohan. 😍 Pero ang masaklap, hindi man lang niya sinabi sakin na 5 years lang pala yung contract namin. Hahaha! Di niya ko ininform! 😅
Naalala ko nung college pa ako, sabi ko sakanya 25 yrs old ako
mag'aasawa (pagka'graduate ko ng college). Pero nung 25 na ako, inisip
ko muna magtrabaho, matulungan pamilya ko. Hindi naman ako pinagtapos
para mag'asawa dba? Kaya yung 25, naging 28. Kaso, seryoso pala siya sa
sinabi niya noon, na maghihintay siya hanggang maging 25 ako, pero
binalewala ko lang. Inisip ko yung sarili ko. Yung sasabihin ng pamilya
ko. Yung sasabihin ng ibang tao. Yung natapos ko na baka mapunta lang sa
wala kapag inuna ko ang pag-aasawa. Hindi ko naisip na mapapagod pala
siyang maghintay. Mapapagod pala siyang intindihin yung ginagawa ko.
Yung gawin yung gusto ko na unahin yung career ko.
"Hindi ko
inaasahan na yung 25 yrs old na ako na dapat bubuo na kami ng sariling
pamilya ay yun din pala yung edad ko na magkakahiwalay kami at bubuo
siya ng sariling pamilya kasama ng iba. 💔"
Yes. Tama ang nabasa niyo! Literal na bubuo na siya ng sarili niyang
pamilya dahil halos kalahating buwan pagkatapos namin maghiwalay ay
ikinasal siya. Nakaplano na yung kasal. Yung paghihiwalay na lang talaga
namin ang kulang. Hahaha.
Ipinagkasundo siya sa babaeng katulad
nila. Sa babaeng hindi niya mahal, pero mamahalin niya habambuhay. Sa
babaeng hindi niya kasintahan, pero magiging asawa niya. Sa babaeng
hindi niya nakasama ng matagal, pero makakasama niya hanggang sa
pagtanda. Sa babaeng unang beses niya pa lang makikita sa araw ng kasal
nila. Sa babaeng ipinagtagpo at ITINADHANA para sa kanya. (Wala na akong
laban dun! Itinadhana na eh!) 😂😇
Hindi naging madali para sa amin ang magpaalam sa isa't isa. Alam
naming pareho na ginawa namin lahat para lang maging kami sa huli, pero
hindi talaga sinang-ayunan ni Lord yung love story namin eh. Hahaha.
Hindi sapat na mahal niyo lang ang isa't isa. May mga tao talagang dapat
pakawalan kahit ayaw mo...
Natatandaan kong humingi siya ng
sorry sakin dahil sa posibilidad na makita ko pictures nila. Sabi mo pa,
"sorry sa mga makikita mo." Nung makita ko yung wedding photos nila,
nasabi ko sa sarili ko na "Eto na talaga! Eto na yung araw na dapat
magmove on na talaga ako."
Ngayon... masasabi kong nabawasan na
yung sakit. Tanggap ko na. Di na ako umaasa. Tuloy pa din naman ang
buhay. Yung sinabi ko dati na, hindi ko kaya pag wala siya, hindi pala
totoo yun! Hahaha! Kasi kapag nandun ka na mismo sa sitwasyon, makakaya
mo e. Lalo na pag hindi mo na kontrolado yung sitwasyon. Mapipilitan
kang kayanin! Kasi wala ka nang ibang magagawa kundi kayanin. 🙂 Walang ibang tutulong sayo, kundi sarili mo lang.
~~~~~~~~~~~~~~~~~~~~~~~~~~~~~~~
: Alam kong ipinaglaban mo ako. Alam kong maraming beses na ako yung
pinili mo. Alam kong hindi mo sinadyang iwanan ako. Alam kong hindi mo
kagustuhan yung nangyari satin. Alam kong wala sa akin yung desisyon
para tapusin o ituloy yung relasyon natin. Pero gusto ko lang malaman mo
na, oo pinakawalan kita (dahil yun ang hinihingi ng pagkakataon) pero
hindi kita sinukuan. Hindi ako sumuko....
Masaya ako para sayo. (Sa sobrang saya ko mapapasabi na lang akong "sana all" 😂)
Wala ng sakit. Wala ng malulungkot na sandali. Wala ng break. Wala ng
pagtatago. Wala ng mahihirap na desisyon. Wala ng pagsuway. Malaya ka
na!
"Hindi ko kailangan na kalimutan ka. Ang gusto ko lang, mawala yung nararamdaman ko para sayo."
Maraming salamat sa lahat ng malulungkot at masasayang alaala na magiging kwento na lang pagdating ng araw. 🙂 Itinadhana lang tayong maging stranghero na may mga alaala ng bawat isa. 💕
PS: Wala akong balak na guluhin kayo/sila. Kaya kalma lang. Hindi ko pinangarap na maging..... 😂 At isa pa, LOVE ako ng mama ko. 😜❤️
PSS: Hindi niya mababasa 'to dahil hindi naman siya mahilig magbasa ng mga ganito. 😅
Salamat sa pagbabasa ng aking buhay pag-ibig. 😂😊😍
GOD BLESS! HAVE A NICE DAY! 
^_^
^_^
2018
No comments:
Post a Comment